पछिल्लो समयका चर्चित पप गायक र्यापर शुदिप भण्डारी जि-बब कुश्मा बजारको बान्द्रेवेणी भाद्र ९ गते शनिवार आउँदै छन । असहाय दीर्घरोगी तथा प्राकृतिक प्रकोप पीडितहरुलाई सहयोगआर्थ राष्ट्रिय लोक तथा दोहोरी गीत प्रतिष्ठान पर्वतले आयोजना गरेको मनसुन अम्रेला फेस्टिबलमा विशेष प्रस्तुतिका लागि जिबब कुश्मा आउने भएका छन । जिबबको यो कार्यक्रम धौलागिरीमै पहिलो हो ।
कार्यक्रमको तयारी पुरा भएको व्यवस्थापक रामचन्द्र पौडेल आर.सीले जानकारी दिए । पौडेलले १ दर्जन बढी लोकदोहोरी क्षेत्रका कलाकारहरुले कार्यक्रममा प्रस्तुति दिने बताए । यो कार्यक्रम विशेष आकर्षणका रुपमा हेर्न थालिएको छ । पर्वत बाहेक बाग्लुङ, बेनी, पोखरा देखी दर्शकहरुको उत्साह देखिएको रिडम्स म्युजिक ग्रुपका व्यवस्थाप तथा कार्यक्रम संयोजक सन्दीप बस्यालले बताए ।
प्रायः फरक ड्रेसमा देखिने जि-बबलाई राष्ट्रिय पोशाकमा प्रस्तुति दिने तयारी समेत गरिएको प्रतिष्ठानका अध्यक्ष पुजा कार्की शर्माले जानकारी दिएकी छन । कार्कीले आफ्नो संस्था लोक तथा दोहोरी गितको संरक्षण संगै फरक विद्याका कलाकारहरुलाई पनि सम्मानको संस्कृति विकास गर्न जि-बबलाई कार्यक्रममा आमन्त्रण गरिएको बताईन ।
राष्ट्रिय लोक तथा दोहोरी गित प्रतिष्ठानले संस्कृतिको संरक्षण तथा नयाँ प्रतिभाको पहिचान प्रवर्द्धन गर्न विभिन्न साँस्कृतिक तथा सामाजिक कार्यक्रम गर्दै आइरहेको छ ।
उता र्यापर जि-बबले धौलागिरी क्षेत्रका आफ्ना फ्यानहरु संग भेट्न आतुर रहेको बताउँदै सामाजिक संजाल मार्फत कार्यक्रममा उपस्थित हुन आग्रह गरेका छन ।
