पर्वत जिल्लाबाट गण्डकी प्रदेशमा प्रतिनिधित्व गर्ने नेपाली कांग्रेसका सांसद रेखा गुरुङ गण्डकी प्रदेशको सामाजिक विकास युवा तथा खेलकुद मन्त्री नियुक्त भएकी छन ।
कांग्रेस र एमाले गठबन्धनमा रहेको गण्डकी प्रदेशको सरकार बैशाख दुइ गते हेरफेर गरिएको छ । कांग्रेस र एमालेका चार/चार जना मन्त्री फेरिएकोमा त्यसमा पर्वतकी रेखा गुरुङ मन्त्री न्युक्त भएकी हुन । उनि पर्वत जिल्लाबाट माथिको सरकारमा मन्त्री बन्ने पहिलो महिला हुन ।
२०७९को संसदीय निर्वाचनमा नेपाली कांग्रेस पर्वतमा सबै क्षेत्रमा पराजित भयो । रेखा गुरुङ प्रदेश सभामा समानुपातिक प्रणालीबाट सांसद भएकी हुन । ७९ को निर्वाचन पछि पर्वत जिल्लामा एक प्रतिनिधि सभा र दुइ प्रदेश सभामा एमालेका सांसद थिए । ३ जना एमालेका सांसद हुँदा कांग्रेस बाट एक्ली सांसद थिइन रेखा गुरुङ । अहिले ८२ फागुन २१ मा भएको मध्यावधि निर्वाचनमा भने प्रतिनिधि सभामा रास्वापाका सागर भुसालले जितेका छन ।
पहिलो पटक नै गण्डकी प्रदेशमा सुरेन्द्रराज पाण्डेको नेतृत्वमा सरकार बन्दा रेखा गुरुङको नाम मन्त्रीको चर्चामा थियो । तर उनी अन्तिममा मन्त्री बन्न पाइनन ।
सर्बोच्च अदालतको निर्णयले गण्डकीमा कांग्रेस संसदीय दलका नेता सुरेन्द्रराज पाण्डे फेरी नेतृत्वमा आएका थिए । पाण्डे मुख्यमन्त्री रहेको मन्त्री मण्डल पुर्ण थिएन । त्यो पटक पर्वतका रेखा गुरुङलाई मन्त्री बनाउन पाण्डेलाई दबाब हुँदाहुँदै पनि सरकारमा गुरुङलाई अटाउन सकेनन ।
त्यतिनै बेला सांसद रेखा गुरुङ कांग्रेस गण्डकी संसदीय दलको प्रमुख सचेतक बन्ने समेत चर्चा थियो तर मुख्यमन्त्री पाण्डेले उक्त पदमा गृह जिल्लाका सांसदलाई मनोनीत गरेका थिए । पछि नेताहरूले सरकारमा नै लाने आश्वासन दिएर गुरुङलाई थमाएका थिए ।
पटक/ पटक हेरफेर हुने सरकारमा रेखा गुरुङ मन्त्री बन्ने सुचिमा पुग्ने तर अन्तिममा विभिन्न बहानामा छुट्ने गरेको थियो । यसपटक भने कुनै बहाना नचलेर रेखा गुरुङ मन्त्री बनेको उनि निकट नेताहरु बताउँछन । पार्टी भित्र वा बाहिरको समस्या र नेताहरुको चहानाका कारण पनि रेखा गुरुङलाई यस अंघि सरकारमा जान समस्या पुगेको थियो । तर यसपटक भने कुनै बहाना र समस्याले छेक्न सकेन ।
गुरुङलाई मन्त्री बनाउन मुख्यमन्त्री शुरेन्द्रराज पाण्डे आफै नै सकारात्मक थिए । त्यसमा गगन थापाको इन्ट्रेस्ट्ले थप बल पुगेको स्रोत बताउँछ । राष्ट्रिय राजनीतिमा अर्थपुर्ण प्रभाव राख्दै आएकी गुरुङ लामो समय कोईराला समुहबाट राजनीति गर्दै आएकी हुन । १४औं महाधिवेशनमा शेखर समुहबाट केन्द्रीय सदस्य भिडेकी गुरुङ थोरै मतले पराजित भएकी थिईन ।
अहिले काँग्रेसको विशेष महाधिवेशनमा मोर्चा नै खडा गरी लागेकी नेता भित्र गुरुङ पर्छिन । त्यो गगन लाईनलाई राम्ररी थाहा छ । विशेष महाधिवेशन पछि आएको काँग्रेसको नेतृत्वले गण्डकीमा हेर्दा कोर टिम वा नाम भित्र रेखा गुरुङ छुटाउँदैन ।
लामो राजनीतिक पृष्ठभूमि भएकी गुरुङ २०७० सालको निर्वाचनमा कांग्रेसका तर्फबाट समानुपातिक उम्मेदवार, २०७४ को स्थानीय तहको निर्वाचनमा फलेवास नगरपालिकाको उपमेयरको उम्मेदवार थिईन । २०७९ को स्थानीय तहको निर्वाचनमा फलेवासको मेयरको उम्मेदवार हुने चर्चामा रहेपनि आफुले छाडेर हालका मेयर गंगाधर तिवारीलाई सहयोग गरेकी थिईन ।
रेखा गुरुङ गण्डकी प्रदेशको सामाजिक विकास युवा तथा खेलकुद मन्त्री भएपछि जिल्लाको समग्र विकासमा सहयोग पुग्ने भन्दै जिल्लावासी उत्साहित छन । यता कम्जोर भएको पर्वत कांग्रेस पनि उनि मन्त्री भए संगै केहि मलजल पुग्ने विश्वासमा छ ।
