गाजामा इजरायलको आक्रमणमा मारिनेको संख्या आठहजार नाघेको छ । अक्टोबर ७ मा हमासले गरेको आक्रमणपछि इजरायलले गाजामा निरन्तर आक्रमण गरिरहेको छ ।
अल्जजिराले गाजामा अहिलेसम्म आठहजार पाँचजना मारिएको जनाएको छ । बीबीसीले आठहजार पुगेको उल्लेख गरेको छ ।
हमासको आक्रमणमा इजरायलमा १४ सय जनाको ज्यान गएको थियो । इजरायलबाट हमासले २३० जनालाई बन्दी बनाएको अन्तर्राष्ट्रिय सञ्चारमाध्यमले जनाएका छन् ।
इजरायलका प्रधानमन्त्री बेन्जामिन नेत्यान्याहुले आक्रमण अझै लामो समयसम्म जारी रहने जनाएका छन् । उनले अब अर्को चरणको आक्रमणको तयारी भइरहेको पनि बताएका छन् ।
