गण्डकी विश्वविद्यालयको कुलपतिमा प्राध्यापक इन्द्रप्रसाद तिवारी नियुक्त भएका छन् । गण्डकी प्रदेशका मुख्यमन्त्री सुरेन्द्रराज पाण्डेले शुक्रबार प्राध्यापक तिवारीलाई कुलपतिमा नियुक्त गरेको गण्डकी सरकारका प्रवक्ता एवं अर्थमन्त्री टकराज गुरुङले जानकारी दिएका छन् ।
कुलपतिमा नियुक्त तिवारीले त्रिविबाट भूगोलमा स्नातकोत्तर तथा थाइल्यान्डको एसियन इन्स्टिच्युट अफ टेक्नोलोजीबाट ग्रामीण तथा क्षेत्रीय विकास योजनामा विद्यावारिधि गरेका छन् । त्यस्तै उनले संयुक्त राष्ट्र संघका विभिन्न परियोजनामा पनि काम गरेका छन् ।
