कुश्मा नगरपालिका ३ दुर्लुङ स्थित बरा थान काफलचौर गुफा सडक आज शिलान्यास भएको छ ।
आज एक कार्यक्रमका विच संघीय सांसद लालकाजी गुरुङले शिलान्यास गर्नुभएको छ । बाटो शिलान्यास गर्दै संघीय सांसद लालकाजी गुरुङले आफु आजिवन समाज सेवामा लागेको बताउदै आफु जन्मेर हुर्केको ठाउँको समग्र विकास गर्नु आफ्नो बढी दायित्व रहेको र गाउँलेहरुलाई नै सहज होस् भनेर आफ्नो पहलमा ३ करोड बजेट विनियोजन गरेको बताउनुभयो । सांसद गुरुङले जोकोही राजनीति गर्ने व्यक्तिले राजनीति सेवाका रुपमा अंघी बढाउनुपर्ने बताउनुभयो । उहाँले राजनीतिका नाउँमा मिलेर रहेको समाजमा गलत अफवाह फैलाउन नहुने समेत बताउनुभयो ।
कार्यक्रममा नेपाली कांग्रेसका पुर्व पार्टी सभापति नवराज गुरुङले सिंगो जिवननै राजनीति र समाज सेवामा अर्पण गरेर हिंडेको बताउदै गाउँको जनताको सुखदुःखमा संधै संगै रहेको बताउनुभयो । नेता गुरुङले दुर्लुङमा जेजति बिकास भएको ति सबैखाले विकासमा आफ्नो क्षेत्रबाट संधै पहल रहेको बताउनुभयो । गुरुङले सबैखाले बिकास र जनताको खुसी भएको उदाहरणीय गाउँ दुर्लुङ बनाउन चाहेको बताउनुभयो ।
सडक निर्माणका लागी भौतिक पुर्वधार मन्त्रलायबाट बैकल्पिक सहायक राजमार्ग बिकास कार्यक्रम अन्तरगत संघीय सांसद लालकाजी गुरुङको पहलमा ३ करोड विनियोजन भएको सडक डिभिजन बाग्लुङका निमित्त कार्यलय प्रमुख रमानाथ शर्माले जानकारी दिनुभयो । यही आर्थिक मसान्तसम्म सडक निर्माण गरिसक्नुपर्ने छ । जलुकेनी विकेस एन्ड आयुस जेभ प्रालिले ठेक्का प्रक्रिया मार्फत काम अंघी बढाएको छ ।
कुश्मा नगरपालिका ३ दुर्लुङका कार्यबाहक अध्यक्ष राम प्रसाद शर्माको अध्यक्षतामा भएको शिलान्यास कार्यक्रमको संचालन वडा सचीव याम पौडेल र स्वागत स्थानीय शंकर गुरुङले गर्नुभएको थियो ।
