आसन्न मंसीर ४ को निर्वाचनमानका लागि नेपाली कांग्रेस पर्वतबाट धेरै नेताहरुले आकांक्षा देखाएका छन । आकांक्षा राख्नेहरु युवा देखी अग्रज नेता सम्म छन् । आकांक्षा राखनेको भिडबाट कांग्रेस पर्वतले यसपटक केही नेताहरुलाई व्यबस्थापन गर्नैपर्नै छ ।
नवराज गुरुङ, राम शर्मा पौडेल, ऋशिकेष तिवारी, खिमप्रसाद भुसाल, गंगाराज शर्मा, मिना केशी लगायत नेताहरुलाई यसपटक कतै न कतै सेट गर्नैपर्छ । हैन भने नेपाली कांग्रेसमा त्याग तपस्या गरेका नेताहरुको सम्मानको खडेरी प्रष्ट देखिनेछ । संगठन मजबुत बनाउन पार्टीप्रति आकर्षण बढाउन र कार्यकर्तामा उत्प्रेरणा थप्न पनि पार्टीमा मुल्यांकन हुन जरुरी हुन्छ । पुराना नेताको सही र समयमै व्यवस्थापन गर्न सके मात्रै पार्टी परिस्कृत र मजबुत हुंदै जानुका साथै युवाहरूको पालो आउनु पनि हो ।
उल्लेखीत नेताहरू यो पटक कतै न कतै व्यवस्थापन नभए अर्कोपटकको निर्वाचनमा सायदै सक्रिय होलान् । उमेर लगायत कारण उनीहरुका लागि बाधक बन्नेछ ।
कसरी हुन सक्छ त व्यवस्थापन ?
पर्वत जिल्लाका कांग्रेस नेताहरू एक ठाउँ उंभिएर तिक्तता भन्दा बाहिर निस्केर लागेको बखत यो संभव छ । नेताहरू कोही सांसद बन्न इच्छा राखेका छन भने कोही पार्टी राजनीतिमा केन्द्रले कतै समेटेपनि मान्नेमा छन ।
पर्वत कांग्रेसका सबै नेताहरू एकत्रित भएर २०७४को पराजित स्थान अहिले जितमा परिरणत गरौं भनेर एक अर्काको अस्तित्वलाई स्वीकार गरी एक ठाउँ भएर लाग्ने हो र केन्द्रिय नेताहरूलाई समेत दवाव दिन सक्ने हो भने वातावरण सहज नै छ । गठबन्धनका कारण कुनै एक क्षेत्र अरु दललाई दिएपनि, संघीय र प्रदेश सांसद प्रत्येक्ष २ जना, संघमा समानुपातिक १ जना, प्रदेशमा समानुपातिक १ जना, राष्ट्रिय सभामा १ जना माग्न सकिन्छ । त्यो बाहेक नेताहरू एक भएर पार्टीको केन्द्रिय सदस्यका लागी दवाब दिन सक्छन् । विभिन्न राजनीतिक नियुक्तिमा समेत नेता व्यवस्थापन गर्न सकिन्छ ।
यसरी हेर्दा आधा दर्जन बढी नेता सेट हुन सक्छन् । यसका लागि नेताहरूको सामुहिक प्रयास आवश्यक छ । फेरि पनि पार्टी र कार्यकर्ताको चाहाना विपरीत व्यक्तिगत सफलता, तिक्तता र एकअर्काको जुधाइ चलिरहयो भने नजिकै रहेको सफलता हांसिल गर्न पनि भारी पर्नेछ ।
