पर्वत जेसीजको आयोजनामा `दिगो विकासका लागि युवा नेतृत्व विषयक वक्तृत्वकला प्रतियोगिता सम्पन्न भएको छ ।
प्रतियोगितामा जिल्लाका सातवटा विद्यालयका विद्यार्थी सहभागी थिए । जसमध्ये प्रथम शिवालय क्याम्पसका सदिक्षा पोख्रेल भएकी छन । त्यस्तै विश्वज्योती माध्यमिक विद्यालयका शिव प्रसाद सुवेदी दोस्रो र कालीगण्डकी एकेडेमीका विनिसा क्षेत्रीले तेस्रो स्थानन हासिल गरेका छन । प्रथम दोस्रो र तेस्रो हुनेले क्रमश ५ हजार, ३ हजार २ हजार मेडल र प्रमाणपत्र प्राप्त गरेका छन ।
पर्वतबाट प्रथम भएका प्रतियोगीले पोखरा जेसीजले आयोजना गरेको प्रत्योगितामा सहभागी हुने पर्वत जेसीजका अध्यक्ष मिलन पौडेलले जानकारी दिए ।
कार्यक्रममा कुश्मा नगरपालिका ४ वडा अध्यक्ष रामहरी शर्माले विद्यार्थीहरुको अन्तरनिहित प्रतिभालाई बाहिर प्रस्तुत गर्न यस्ता कार्यक्रमले महत्त्वपूर्ण भुमिका खेल्ने बताउनुभयो । शर्माले सहभागीहरुलाई जितमा अनावश्यक हौसिन र पराजयमा निरासा नपाली अंघी बढ्न विद्यार्थीहरुलाई आग्रह गरे ।
कार्यक्रममा पर्वत जेसीजका अध्यक्षीय कल्बका अध्यक्ष विनोद श्रेष्ठ, पुर्व अध्यक्ष लेखनाथ पौडेल, निर्णायक संयोजक लक्ष्मी प्रसाद शर्मा, लगायतले आफ्नो धारणा राखेका थिए ।
पर्वत जेसीज २०२४का अध्यक्ष मिलन पौडेलको अध्यक्षतामा सम्पन्न भएको कार्यक्रमको संचालन महासचिव अमृत पोख्रेलको रहेको थियो । तालिम निर्देशक अर्जुनराज पुरीको आस्थापाठ र स्वागत कार्यक्रम संयोजक अजय पोख्रेलको रहेको थियो ।
