युरोपेली मुलुक क्रोएसियमा रहेका पर्वत वासीविच एकता, सहयोग आदानप्रदान गर्दै छिमेकी जिल्ला र विभिन्न ठाउँबाट क्रोएसियामा रहेका नेपालीहरु समेतलाई एकताबद्ध गरि सामाजिक क्रियाकलाप संचालन गर्ने अभियानमा लागेको पर्वत समाज क्रोएसियाले प्रथम भलिबल कप संचालन गर्दैछ ।
क्रोएसियाको राजधानी जाग्रेबमा आउँदो जुलाई २० र २१ गते भलिबल कप संचालन हुने पर्वत समाज क्रोएसियका अध्यक्ष इश्वर सापकोटाले जानकारी दिए । अध्यक्ष सापकोटाले संस्था स्थापनाको सन्देश अन्य व्यक्ति र संस्थासम्म पुराई परिचयलाई फराकिलो बनाउन सहयोग पुगोस् भन्ने उद्देश्यले कार्यक्रमको आयोजना गरिएको बताए ।
भलिबल खेलमा प्रथम पुरस्कार ५ सय ५ युरोका साथमा कम मेडल र प्रमाणपत्र त्यस्तै दोस्रो पुरस्कार ३ सय ५ युरो कप मेडल र प्रमाणपत्रको व्यवस्था गरिएको पर्वत समाज क्रोएसियाका कोषाध्यक्ष मदन सुन्दासले बताए । खेलमा समावेश हुन ८० युरो दर्ता शुल्क रहेको छ । कार्यक्रमा कलाकारद्वारा सांगीतिक सांस्कृतिक परस्तुती रहनेछन ।
कार्यक्रम सफल बनाउन सहयोग गर्न क्रोएसिया स्थित संघ संस्था, सामाजिक व्यक्ति तथा समुह, व्यवसायी खेलाडी सबैलाई आयोजक संस्थाले अपिल गरेको छ ।
