३० जुलाईमा आयोजित एक भर्चुअल कार्यक्रममा माननीय अर्थमन्त्री डा. युवराज खतिवडा ले आधिकारिक रूपमा “अब देशमै छ रोजगारी” अभियान प्रवर्तन गर्नुभयो। सो कार्यक्रममा प्रमुख उद्योगपतिहरू, स्किलिङ इकोसिस्टम सरोकारवाला, दाताहरु, मिडिया तथा नागरिक समाज प्रतिनिधिहरूको सहभागिता रहेको थियो। रोजगारी सर्भिस र युकेएड स्किल फर इम्प्लोइमेन्ट प्रोग्राम (सीप) को पहलमा यो अभियान प्रवासी पुनरागमनहरु र अन्य आर्थिक रुपले वञ्चित, समाजिक बहिष्कृत समूहहरुको जीवनयापन आवश्यकताहरुको प्रतिकृया दिन यो अभियान थालिएको हो । युकेएड सीप र रोजगारी सर्भिसले रोजगार अवसर, उद्यमशीलता बढाउन र माइग्रेसनको अनुकूलन गरी उद्योग र आर्थिक बृद्धि गर्नका लागि काम गरिरहेको छ। यस अभियान मार्फत युकेएड सीप र रोजगारी सर्भिसले विभिन्न सरोकारवालासँगको साझेदारीले नेपालको मानव संसाधनमार्फत रोजगार, उद्योग र वृद्धि गर्न सहयोग पुर्याउने छ।
अभियानको लोगो र नारा सार्वजनिक गर्दै मन्त्री खतिवडाले भने, ‘म विश्वस्त छु कि यस्ता बजार नेतृत्वका पहलहरुले गति लिन पाउँनेछन र सफलतापूर्वक सरकार, निजी क्षेत्र, नागरिक समाज, स्किलिंग पार्टनर, मिडिया र हाम्रा विकास पार्टनरबीच परिकल्पना गरिएको सहकार्य निमार्ण गर्नेछ ।’ उनले रोजगारी सृजना र उद्यमशील वर्गको निर्माण महत्वपूर्ण भएको र सरकारले स्मार्ट प्रोत्साहन र बजारमैत्री नीतिहरु ल्याइरहेको उनले बताए।
कोभिड—१९ ले गर्दा अर्को वर्ष मात्र लगभग ७ लाख नेपाली वैदेशिक कामदारहरुले रोजगारी गुमाएर स्वदेश फर्किने अनुमान गरिएको छ। यसले निम्त्याउने बेरोजगारीको संकटबाट बच्नका लागि नेपालले १० लाख भन्दा बढि रोजगारी सृजना गर्नु आवश्यक छ। “यदि समयमै यो संकटलाई जवाफ दिन हामी सक्षम भएनौ भने यसले सबै क्षेत्रमा प्रतिकुल लहर झल्काउन सक्छ र हालका दशकमा मिहिनेतले हासिल गरेको प्रगतिलाई उल्ट्याउन सक्छ, यो समयमा हाम्रो लक्ष्य भनेको यो सुनिश्चित गर्नु हो कि हामी नेपालको मानवीय पूंजी उठाउन सथै नेपालीहरुको जीवन र आजीविकाको रक्षा गर्न हामी सक्षम छौं। ” युकेएड सीपका टिम लिडर बलजीत बोहोराले बताउनुभयो।
रोजगारी सर्भिसले आफ्नो वेबसाइट, मोबाइल एपलिकेसन, सामाजिक सञ्जाल, रोजगारी पसल, घुम्ती रोजगारी पसल प्रयोग गरेर पञ्जीकृत प्रवासी पुनरागमनलाई उचित स्कुलिङ, रोजगारी वा स्वरोजगारीका मार्ग जडान गर्न र सुविधा पुर्याउन सहकार्य गर्नेछ। “अब देशमै छ रोजगारी अभियान र युकेएड सीपलगायत सरोकारवालासँगको साझेदारीले नेपालको मानव संसाधनमार्फत रोजगार, उद्योग र वृद्धि गर्न सहयोग पुर्याउने कुरामा हामी विश्वस्त छौं।”, रोजगारी सर्भिस र मेरो जब्सका संस्थापक शैलेन्द्रराज गिरीले बताउनुभयो।
सोहि कार्यक्रमा बोल्दै श्रीनगर एग्रो फार्मकी सञ्चालक तथा प्यानलिस्टह मौसमी श्रेष्ठले नेपालमा पर्याप्त रोजगारी र उद्यमशीलता सम्भावना रहेको बताउनुभयो । “म घरेलु रोजगार पदोन्नतिमा ध्यान केन्द्रित भएकोमा एक्दमै खुशी छु।”, उहाँले भन्नुभयो । कार्यक्रममा अन्य प्रमुख प्यानलिस्टहरू तथा उद्योगीहरु पवन गोल्यान, विष्णु अग्रवाल, रचना थापा र शेखर गोल्छाले देशमा स्किलिंग, रोजगारी सृजना र उद्यमशीलताका लागि उद्योग नेतृत्व सहलगानी मोडल र सहकार्यको महत्वमाथि प्रकाश पारेका थिए ।
