मोदी गाउँपालिका १ भुक देउरालीमा सामाजका संचार संवाहका रुपमा बुझिने ९ जना कटुवाललाई सम्मान गरिएको छ ।
लामो समय देखी गाउँका सुचना हरुलाई एक गाउँबाट अर्को ठाउँसम्म सबै जनमानसमा पुराउने काम गर्दै आइरहेका ९ जना कटुवाल हरुको कामको प्रसंसा गर्दै एक कार्यक्रमका विच वडाले जनही ३ हजार र सम्मानपत्रका साथ सम्मान गरिएको वडा अध्यक्ष गौ प्रसाद गुरुले जानकारी दिए । अध्यक्ष गुरुङले सुचना प्रवाह गरी गाउँलाइ सुसूचित गर्ने कटुवाल दाइहरुको काममा केहि हौसला थपियोस भनेर सम्मान गरिएको बताए । अध्यक्ष गुरुङले यो सुरुवात मात्रै भएको आगामी दिनमा कटुवाल पेसा गर्ने सबैलाई एकत्रित बनाएर उनीहरुको जनजीवनलाई उकास्ने खाले कार्यक्रम अंगाडी बढाउने समेत बताए ।
कार्यक्रममा भकारी इभेण्टस प्रालिका संचालनक तथा चलचित्र निर्देश कृष्ण कुमार गुरुङले जिवनभर सूचना प्रवाह गर्दै सामाजलाई सचेत बनाउने कटुवालहरुको पेसालाई सबैले सम्मान गर्नुपर्ने बताए । निर्देशक गुरुङले कटुवालहरुको दु:ख लाई सानोतिनो कुराले टार्ने हैन उनिहरु पेसाप्रति समाज रवसरकार समेत गम्भीर हुनुपर्नेमा जोड दिए । गुरुङले आफ्नो अनुरोधमा भुकदेउरालीमा संचार संवाहकका रुपमा रहेका कटुवाहरुलाइ सम्मान गरेकोमा वडा परिवारलाई धन्यवाद दिए । उनले आफु कलाकारीता संगै सामाजमा विभिन्न सामाजिक क्रियाकलाप संचालन गर्ने भएकाले समाजका हरेक मुद्दामा आफु अग्रसर हुंदै समाजलाई सकारात्मकतामा बदल्ने प्रतिबद्धता पनि व्यक्त गरे ।
जिवनभर गाउँगाउँमा सूचना प्रवाह गर्दै हिंड्ने कटुवालहरु वडा सरकारबाट सम्मानित हुन पाउँदा खुसी छ्न । उनीहरु भन्छन “घोक हाल्दै हिंड्दा कतै माया पाइयो कतै अपमान सहनु पर्यो, जिबनमा यसरी सम्मान पाउदा मन भक्कानियो, हर्षको सिमा छैन ।”
