मानव अधिकारका लागि महिला एकल महिला समुह पर्वतको आयोजनामा बिजया दशमी, शुभदिपावली नेपाल सम्बत तथा छट पर्वका अवसरमा शुभकामना आदानप्रदान तथा पोशाक वितरण कार्यक्रम सम्पन्न भएको छ ।
कार्यक्रमका अवसरमा कुश्मा नगरपालिका ५ का आमाबाबु बिहिन बालकहरु दिप कुमाल र दिप्सन कुमाललाई अध्ययनमा सहयोग होस् भन्ने उद्देश्यले पोशाक वितरण गरिएको थियो । कार्यक्रममा बोल्ने बक्ताहरुले शुभकामना व्यक्त गर्दै महिला र एकल महिलालाई समाजका सबै नागरिक सरह बुझ्न आग्रह गरे । बक्ताहरुले समाजका तमाम समस्याहरुको समाधानमा सबैजना एक भएर लाग्ने प्रतिबद्धता समेत गरे ।
कार्यक्रममा जनप्रतिनिधि, राजनीतिककर्मी, सरकारी गैरसरकारी सामाजिक संस्था, प्रहरी, पत्रकार लगायत आम नागरिकको उपस्थिति रहेको थियो ।
मानव अधिकारका लागि महिला एकल महिला समुह पर्वतको अध्यक्ष अजिता शर्माको अध्यक्षतामा भएको कार्यक्रममा संचालन समुहका सचिव खिममाया पाइजा गिरीले गरेका थिए ।
