गरिब तथा जेहेन्दार विद्यार्थीलाई सहयो गर्ने उद्देश्यले पर्बत समाज जापनको मुख्य आयोजना र पर्वत जिल्लाका ७ पालिकाको सह आयोजनामा जापान टोकियो नाकानो जेरो हलमा आयोजना गरेको कन्सर्ट कार्यक्रम कोरोनाका कारण स्थगित भएको छ ।
जनबरि ७ तारिक २०२३ मा मन्त्र ब्याण्डको कन्सर्टको साथमा अन्य सांस्कृतिक कार्यक्रम आयोजना गरेकोमा कोरोना महामारी बढ्दा नेपालबाट कलाकार आउन समेत समस्या भएपछि कन्सर्ट स्थगित गरीएको पर्वत समाज जापानका महासचीव राम बस्तोलाले जानकारी दिए । उनले कन्सर्ट स्थगित भए पनि सोही दिन नेपाली चलचित्र महापुरुष पर्दर्शन प्रदर्शन गरिने जानकारी दिए ।
तोकिएको कार्यक्रम गर्न मिति तय गरेर घोषणा गरिने संस्थाले एक विज्ञप्ती मार्फत जानकारी समेत दिएको छ ।
पर्वत समाज जापानले यसरी कार्यक्रम आयोजना गरी गृह जिल्ला पर्वत लगायत देशका विभिन्न ठाउँमा गरिब, दलित पिछाडिएको क्षेत्र, दीर्घरोगी लगायत प्राकृतिक बिपत्तिमा सहयोग गर्दै आइरहेको छ ।
