कलाकारिता संगै पत्रकारीतामा सक्रिय कलाकार अर्जुन थापाको नयाँ गीत ‘हेर्दा हेर्दै सैँईले’ गितको विमोचन भएको छ । आज देखी डिजिटल बजारमा सार्वजनिक भएको छ ।
कलाकार थापाले गण्डकी प्रदेशका विभिन्न गाउँमा गाईने स्थानीय भाकालाई संकलन गरी प्रस्तुत गर्न लागेका हुन । विमोचन कार्यक्रममा राष्ट्रिय लोक तथा दोहोरी गित प्रतिष्ठान पर्वतका अध्यक्ष पुजा कार्की शर्मा, प्रतिष्ठान पर्वतका संस्थापक अध्यक्ष चित्र सागर श्रेष्ठ, गण्डकी प्रदेशका निवर्तमान दितृय उपाध्यक्ष आर.सी पौडेल, नेपाल मगर संघ भुतपुर्व शैनिन तथा प्रहरी संघ अध्यक्ष गुम बहादुर पुन लगायतले शुभकामना मन्तव्य राखेका थिए ।
कार्यक्रमका अवसरमा अभिनय गर्ने कलाकार तथा गीत निर्माणमा सहयोग गर्ने संघसंस्था व्यक्तिहरुलाई सम्मान गरिएको थियो । गीत निर्माणका क्रममा सहयोग गर्ने देश विदेशका व्यक्ति, संघसंस्था र कलाकारहरुलाई कलाकार अर्जुन थापाले धन्यवाद व्यक्त गरे । कार्यक्रमको संचालन संचारकर्मी ठाकुर रसाईलीले गरेका थिए । गीत खास नेपाल युट्युव च्यानलबाट सार्वजनिक भएको छ ।
कुश्मामो माझ गाउँमा रहेको सताब्दी घर र पर्वत बाग्लुङका विभिन्न पर्यटकीय ठाउँमा गीतको छायांकन गरिएको छ । स्थानीय कला प्रतिभाका साथै पर्यटकीय र विषेश महत्त्व राख्ने ठाउँको प्रवर्द्धन गर्न पनि पर्वत बाग्लुङमा छायांकन गरिएको कलाकार थापाले बताए । निर्देशन कलाकार खुम पुनको रहेको छ । अभिनयमा पर्वत बाग्लुङकै कलाकारलाई देख्न सकिन्छ । मुख्य भुमिकामा खुम पुन, पुस्पा मगर, आरसी पौडेल, चित्र सागर श्रेष्ठ, पुजा कार्की शर्मा लगायत २० भन्दा बढी कलाकारको नृत्य रहेको छ । पर्वतमा सकृय पुन समुह र अन्य सामाजिक संघ संस्थाका व्यक्तिहरुको अभिनय पनि भिडियोमा देख्न सकिन्छ । गितको अडियोमा अर्जुन थापा, सरस्वती लामिछाने, सन्तोष सुवेदी, ठाकुर रसाइली र सोभा परियारको स्वर रहेको छ ।
हेरौं भिडियो,
