पर्वत जेसीजको आयोजनामा सफल जिवनकानका लागि सकारात्मक सोंच अभियान विषयक अन्तरक्रिया कार्यक्रम सप्पन्न भएको छ ।
शुक्रबार पर्वत जिल्लाको सदरमुकाम कुश्मामा आयोजित कार्यक्रममा सकारात्मक सोंच अभियानका संरक्षक पर्यटनविद तथा लेखक कर्ण शाक्यले सहभागीहरुलाई सफल जिवनका आयामक बारे बताए । अभियानता शाक्यले सकारात्मक सोंच नै सफल जीवनको प्रमुख हतियार रहेको बताए । उनेले सफलता सगै मान्छे असल हुनुपर्नेमा जोड दिए । कार्यक्रममा सहभागीहरुका जिज्ञासा र प्रश्ननमा जवाफ दिँदै शाक्यले सकारात्मक सोंच, खोज, परोपकार, पर्यटनक्षेत्र, संस्कृति सम्पदा, उद्धशिलता लगायत विषयमा ब्याख्या गरेका थिए ।
कार्यक्रमका अर्का वक्ता शिक्षाविद प्रशिक्षक जोस निरौलाले पनि सफल जिवनकालागी सकारात्मक सोंच र शिक्षा र समाजबारे बोलेका थिए । पर्वत जेसीजका पुर्व अध्यक्ष सिनेटर हिम बहादुर पौडेल क्षेत्रीले आफ्नो अनुभव सुनाउँदै कार्यक्रम असाध्यै फलदायी रहेको बताए ।
पर्वत जेसीजका अध्यक्ष विनोद आचार्यको अध्यक्षता, कोषाध्यक्ष सन्दिपा पौडेलको आस्थापाठ रहेको कार्यक्रममा संयोजक ठाकुर रसाईलीको स्वागत र जेसीज पर्वतका महासचिव सुरज श्रेष्ठको संचालन रहेको थियो ।
