पर्वत साहित्य संगमको आयोजनामा १५८ औं मोति जयन्तीका अवसरमा गजल वाचन कार्यक्रम सम्पन्न भएको छ । कालीगण्डकी एकेडेमी कुश्माको व्यवस्थापन रहेको कार्यक्रममा मोतीराम भट्टको जिवनी र उनले नेपाली साहित्यमा पुर्याएको योगदानको चर्चा गरिएको थियो ।
कार्यक्रममा साहित्यकारहरु इन्द्रकुमार विकल्प, डिआर शर्मा, लक्ष्मीप्रसाद शर्मा, इन्द्रमान खत्री, ठाकुर रसाइली, एन.पी. घायल, ध्रुव केसी, गोविन्द पौडेल लगायतले गजल वाचन गरे । त्यस्तै कालीगण्डकी एकेडमीमा अध्ययनरत २० जना भन्दा बढी विद्यार्थीहरुले रचना वाचन गरेका थिए ।
पर्वत सहित्य संगगमका अध्यक्ष डि.आर. शर्माको अध्यक्षतामा सम्पन्न कार्यक्रममा कालीगण्डकी एकेडेमीका प्रिन्सीपल बशन्त कुमार कर्माचार्यको स्वागत र संचालन संचारकर्मी दिपेश पोखरेलको रहेको थियो ।
