शनिवार कुश्मा नगरपालिका १२ ठुलीपोखरीको बाटुलेचौर मन्दिर छेउमा रहेको किङ्ग फिसर होम स्टेमा एउटा मेला चल्यो । जुन मेलामा ठुलीपोखरीका वडा अध्यक्ष सहित गाउँका भद्र बलाद्मी बुढापाका देखी बालबालिका सबै जोडिए । त्यती मात्रै हैन कुश्मा, बाग्लुङ, पोखरा, बुटवलदेखी कलाकार र पत्रकारको टोली नै पुग्यो ।
प्राकृतिक हिसाबले सुन्दर बाटुलेचौरको डाँडो फुलमाला र धजा पतका सजवाटले धपक्कै बल्यो । यसरी खचाखच मान्छेहरू, झकिझकाउ सांझको रमाइलो अरु कुनै जात्रा नभएर कलाकार चित्र सागर श्रेष्ठको गीतको सुटिङ्ग थियो ।
चित्रसागर श्रेष्ठ नेपाली लोक तथा दोहोरी गीतको क्षेत्रमा सबैले चिनेको परिचीत नाम हो । प्रत्येक्ष दोहोरीमा चित्र सागर किङ नै मानिन्छन । पुराना कलाकार देखी नयाँ पुस्ताका कलाकार सबैले चित्रसागरको दोहोरी भनेपछि ध्यान खिच्छन । कुनैबेला यस्तो समय थियो चित्रसागरले दोहोरी गाउन आउंदैछ भनेपछि अरु प्रतियोगीले मुटी काम्थ्यो । दोहोरीका दर्जनौं पुरस्कार उचालेका चित्रसागर आजपनि गीतसंगीत क्षेत्रमा सक्रिय छन ।
उनै, चित्रसागर श्रेष्ठको पछिल्लो दोहोरी एल्बम `धिपी धिपी टुकी´को भिडियो छायांकनका क्रममा ठुलीपोखरी पुगेका हुन । धार्मिक तथा प्रयटकीय दृष्टिले महत्वपुर्ण मानिएको बाटुलेचौर मन्दिर र संगै जोडिएकोको होम स्टेको प्रचारप्रसार प्रवर्द्धनमा जोड पुर्याउन निर्माण टोली बोकेर चित्रसागर ठुलीपोखरी पुगेका हुन ।
भिडियो छांयकनमा उपस्थित गाउँलेहरु सबै खुसी छन । वडा अध्यक्ष झलक रिमालले आफ्नो क्षेत्रको प्रचारप्रसार संसार भरी पुराउन सहयोग गरेको भन्दै धन्यवाद दिए ।
गितमा भनिएको छ `धिपी धिपी टुकी मन परेरै होला कि मायाले हेरिन लुकी लुकी´ चित्रसागर श्रेष्ठको स्वर र शब्द रहेको गितमा महिला आवाज सलिना गुरुङको रहेको छ । गीतको लय गायक समुन्द्र गिरीले बनाएका हुन ।
भिडियोको निर्देशन अर्जुन थापा मगरले गरेका छन भने छायांकन कमल एलएक्सको रहेको छ । भिडियोमा अन्जान आले मगर, कला थापा, विशाल बोहोरा विपना पुलामी लगायत दर्जनबढी कलाकारको नृत्य देख्न सकिन्छ । गित छिट्टैनै वजारमा ल्याउने चित्रसागरले बताए ।
https://fb.watch/r8VoMfODlo/?mibextid=zkHLXF
