राष्ट्रिय शैक्षिक तथा सामाजिक विकास संस्था नेष्डो नेपालको २९औं वार्षिक साधारण सभा सम्पन्न भएको छ ।
साताव्यापी दर्जनौं सामाजिक कार्यक्रम आयोजना गर्न लागिरहेको संस्थाले पहिलोदिन साधारण सभा र संस्थापक अध्यक्ष विश्वप्रकास प्रसाईंको जन्मोत्सवको अवसरमा सामाजिक सहयोगका कार्यक्रम गरेको छ ।
साधारण सभामा संस्थाले गएको वर्ष सम्पादन गरेका कार्यक्रमहरुको जानकारी र आगामी बर्षका निति तथा कार्यक्रम प्रस्तुत गरेका थिए । भने आर्थिक प्रतिवेदन संस्थाका कोषाध्यक्ष सावित्री खत्री क्षेत्रीले प्रस्तुत गरेका थिए ।
कार्यक्रममा संस्थापक अध्यक्ष विश्वप्रकास प्रसाईंले नेष्डो स्थापनाको काल खण्डलाई स्मरण गर्दै आजको दिनमा समाजमा नेष्डोको उपस्तिथिले नागरिकलाई दिएको खुसीले आफ्ना विगतका दु:खलाई बिर्साइदिएको बताए । प्रसाईंले समाजका भुँइमान्छेहरुका समस्या समाधानमा सहयोग गर्न दिनरात नभनी लागी पर्ने प्रतिबद्धता समेत व्यक्त गरे ।
कार्यक्रममा लुम्बिनी प्रदेशका पुर्व सांसद निर्मला क्षेत्री, फेडेन नेपालका उपाध्यक्ष, सुलोचना सिग्देल, केन्द्रिय सचिव जय प्रकाश राय, केन्द्रिय सदस्य बाबुराम शर्मा, फेडेन नेपाल सुदुरपश्चिम प्रदेशका अध्यक्ष उपेन्द्र खड्का, गैरसरकारी संस्था नेपालका केन्द्रिय सदस्य जगन्नाथ पौडेल, लोकतान्त्रिक गैरसरकारी संस्था पर्वतका अध्यक्ष गणेश बहादुर क्षेत्री, संचारकर्मी ठाकुर रसाईली लगायतले आफ्नो धारणा राखेका थिए । रत्न प्रसाद अधिकारीको अध्यक्षतामा सप्पन्न कार्यक्रममा स्वागत सचिव जित बहादुर नेपालीको रहेको थियो । आजिवन सदस्य सुश्मा प्रसाईंको संचालन र आजिवन सदस्य अनिता सोतीको प्रतिज्ञामन्त्र राखेका थिए ।
