पर्वत वेलफेयर सोसाइटी यूकेले गृह जिल्ला पर्वतका जेहेन्दार, गरिब तथा अल्पसंख्यक बालबालिकालाई शिक्षा आर्जनमा सहयोग गर्ने उद्देश्यले यही ७ जुलाईमा च्यारिटी इभेन्ट गर्दै छ ।
इभेन्टको मिति नजिकिएसंगै आयोजक तिब्र तयारीमा जुटेको छ । कार्यक्रमलाई प्रभावकारी र उपलब्धिमुलक बनाउन तयारीमा जुटेको अध्यक्ष अप्सरा गुरुङले जानकारी दिइन् । `विगतमा जस्तै यस कार्यक्रमलाई पनि सबै तहबाट सहयोग मिल्ने विश्वास लिएका छौँ । सबैलाई निमन्त्रणा गरिएको छ उपस्थित भएर सहयोग गरी कार्यक्रम सफल बनाउन अनुरोध गर्दछौं´अध्यक्ष गुरुङले थपिन ।
कार्यक्रम सांगीतिक संस्कृतिक माहोल बनाउनका लागि नेपालबाट कलाकारहरु राजन गुरुङ, कला लम्साल, रेनुका भट्टराई, ललिता पुन, अस्मिता राना उपस्थित हुनेछन् । त्यो बाहेक स्थानीय कलाकारबाट कला संस्कृति प्रस्तुत हुनेछन ।
कार्यक्रममा विभिन्न ठाउँबाट विभिन्न क्षेत्रका प्रतिनिधिहरु सहभागी हुने आयोजकले बताएको छ । कार्यक्रम अल्डरसट स्थित एम्पायर हलमा हुने छ । सोसाइटीले नेपाल र बेलायतमा विभिन्न सामाजिक कार्य गर्दै आएको छ ।
