पर्वत वेलफेयर सोसाइटी यूकेले नयाँ बर्षको अवसरमा शुभकामना आदानप्रदान तथा भेटघाट कार्यक्रम आयोजना गर्दैछ । चाडपर्व तथा उत्सवहरुमा विभिन्न सामाजिक कार्यक्रम आयोजना गर्दै आइरहेको सोसाईटीले नयाँ बर्ष विशेष कार्यक्रम यही अप्रिल २५ तारिख अल्डरसट स्थित एम्पायर हलमा आयोजना गर्न लागेको हो
कार्यक्रमको मिति नजिकिएसंगै आयोजक तिब्र तयारीमा जुटेको छ । कार्यक्रमलाई प्रभावकारी र उपलब्धिमुलक बनाउन तयारीमा जुटेको वेलफेयर सोसाइटीका अध्यक्ष अप्सरा गुरुङले जानकारी दिइन ।
एक अर्कामा आत्मिय सम्बन्ध, सामाजिक सेवा र एकतालाई मजबुत बनाउने उद्देश्यले कार्यक्रमको आयोजना गरिएको अध्यक्ष गुरुङले बताइन् ।
कार्यक्रमबारे सबैलाई निमन्त्रणा भएको छ, विगतमा हुने कार्यक्रममा जस्तै सबै तहबाट सकारात्मक सहयोगले कार्यक्रम सफल हुने आयोजक अपेक्षा गरेको छ ।
कार्यक्रमलाई साँस्कृतिक माहोल बनाउनका लागि नेपालबाट कलाकारहरु राजु परियार, शिला आले, आरसी पौडेल आउने भएका छन । त्यो बाहेक स्थानीय कलाकारबाट कला संस्कृति प्रस्तुत हुने छन ।
पर्वत वेलफेयर सोसाइटीले नेपाल र बेलायतमा विभिन्न सामाजिक कार्य गर्दै आएको छ ।
