राजनीतिक दलका नेतृत्व भन्दा नेतृत्व मान्नेलाई फेरौँ ।
नेपाली राजानीतिक पार्टीका नेतृत्व फेरिनु पर्छ भनेर उनिहरुको कार्य शैली माथि बेलाबखत प्रश्न उठिरहन्थ्यो । पार्टीमा आवद्ध भएर कसैलाई सबैथोक मानेकाहरु नबोलेपनि वा सुस्त बोलेपनि केहि नविन सोंच राख्ने, समय परिवेश बुझेको र केहि गरौँ भन्ने जोकोही कार्यकर्ताले नेतृत्व बारे बोले । अथवा बोल्न प्रयास गरे । तर, नागरिक तह जसले खुल्ला सोच राख्छन, केहि क्षेत्रका जानकार उनिहरुले अनेक फोरममा आजको राजनीतिक दल र नेतृत्व बारे खुलेरै बोले ।
ठुला भनिएका राजनीतिक दल र नेतृत्वबारे बोल्न अलि बढी खुल्ला जस्तो देखायो भदौ २३/२४ को जेनजी पुस्ताको विद्रोहले । जेनजीको विद्रोहले धेरै क्षेत्रलाई छोएको छ । अरुबारे समय मिल्दै जाँदा लेखौंला बोलौँला तर राजनीतिक दल र नेतृत्वलाई वा कार्यकर्तालाई कति छोयो । राजनीतिक दल सुध्रीने वा नेतृत्व बदलिने बारे केहि प्रस्तुत गरौं भन्ने लाग्यो ।
राजनीतिक दल वा नेतृत्वले के कति गरे वा विगारे । अथवा देशलाई खत्रै राम्रो गरे ल ठिक छ । तर यी राजनीतिक दल सुध्रीने र नेतृत्व बदलिने छाँटकाट यही अवस्थाले देखिँदैन । सुधार्ने हो भने एउटा उपाय छ । त्यो उपाय हो नेतृत्व भन्दा नेतृत्व मान्नेलाई फेरौं । भनेको – जसले पार्टीमा अरु देख्दैन आसा पालेर वा डर लागेर तपाईं नै हो भनेर विन्ती भाउ चडाईरहेको छ त्यसलाई फेर्ने ।
अझै स्पष्ट पारौं – तपाईं कुन गाउँ कुन जिल्लामा बस्नुहुन्छ, तपाईं कुन दलमा आवद्ध हुनुहुन्छ ? तपाईंको जिल्लामा तपाईंले मान्ने वा ठुला भनिने नेता कुन हुन ? र ति नेताले माथि कसलाई मान्छन ? नेताले दाँयावाँया नहेरी नेतृत्वलाई ढोगभेटी चढाइहाल्छन कि समाज र जनताबारे सोचेर केहि बोल्ने आँट गर्छन । यत्ति कुरा बुझेर भुँइतहबाटै समर्थन सहयोग गर्ने वा प्रश्न विरोध गर्न लाग्नुपर्छ । हामीले हाम्रो समर्थन वा मतबाट कसैलाई माथि पठाउनु भनेको हामीले निर्वाचनमा वारेस पठाए जस्तै हो । हामीले वारेस पठाउनु भनेको उसले चाहेको ठाउँमा मत दिँदा आफ्नो मन्जुरी छ भन्नु हो । त्यसैले हामीले सहि नेतृत्व चुन्नुपर्छ । ताकि उसले पनि देशको लागि सही नेतृत्व चुन्ने सामर्थ्य राखोस । जेनजी विद्रोह र त्यसपछि देखिने दृश्य र घटनाले यतातिर गहिरोगरी सोच्ने बनाएको छ । र सोही अनुसार लाग्न शन्दे पेश गरेको छ ।
मैले यो कुरा उदाहरण प्रस्तुत गरेको हुँ । र भन्न खोजेको के हो भने नेतृत्व मान्ने नेतृलाई हामी आफैले फेरौं । आफुले सक्ने गरौं । आफुले सक्ने नेतृत्व फेर्दाको दिन देशले नयाँ नेतृत्व पाउनेछ । पाउँछ ।
